კონცერტამდე რამდენიმე საათით ადრე ჟურნალმა RollingStone აიღო ინტერვიუ ჯგუფის ლიდერთან ჯეიმს ჰეთფილდთან სადაც მან დაწვრილებით ისაუბრა მოსალოდნელი ახალი ალბომის შესახებ, რომლის მცირე მონაკვეთსაც შემოგთავაზებთ ქართულ ენაზე:
ახალ ალბომს უკვე შეურჩიეთ სახელი? ჰეთფილდი: სახელი მას უკვე აქვს, თუმცა ალბომის სრულყოფაზე მუშაობა ჯერ კიდევ მიმდინარეობს, მხოლოდ ტექნიკური საკითხები დარჩა, ფაქტიურად ჩაწერილია ვოკალური და ინსტრუმენტალური პარტიები.
რატომ გადაწყვიტეთ ალბომის Rick Rubin თან ერთად გაკეთება? ჰეთფილდი: რიკი მშვენიერი ადამიანია, მასთან მუშაობა კომფორტული იყო ჩვენთვის, მან ახალი ჟღერადობა შემოიტანა ჩვენს მუსიკაში და ის უფრო ენერგიული და მრავალფეროვანი გახდა.
რა იყო ალბომის შექმნის მთავარი იდეა? ჰეტფილდი: ალბომი ასახავს ჩვენ წარსულს და დღევანდელობას, შევძლებთ თუ არა ჩვენ ისეთივე საკულტო ალბომის შექმნას როგორიც "Master of Puppets" ია? დღეს დავუკრავთ თუ არა ასეთივე სტილში?
თქვენ კვლავ თვლით რომ ის ალბომი ჯგუფის ყველაზე დიდი მიღწევა იყო? ჰეთფილდი: დიახ, რა თქმა უნდა ეს ასეა. იმედი მაქვს რომ ახალი ალბომიც ასეთივე წარმატებული გამოდგება, განსაკუთრებით "St. Anger" ის შემდეგ, უკანასკნელი ნამუშევარი ერთფეროვანი და ჩვენი მსმენელისთვის შეურაცმყოფელი იყო. უბრალოდ ჩვენ ამითი პროტესტი და დაგროვილი ემოცია გამოვხატეთ. თუმცა ახალი ალბომი ძალიან მრავალფეროვანი და საინტერესო იქნება.
შეგახსენებთ რომ ალბომის გამოსვლის თარიღი ჯერ-ჯერობით უცნობია, თუმა იგი სავარაუდოდ სექტემბრის თვეში გამოვა.
