შაბათი, 25.11.2017, 04:46
მოგესალმები სტუმარი | RSS
.:: ROCK IS LIFE ::.
მთავარი | Каталог статей | რეგისტრაცია | შესვლა
შესვლის ფორმა

საიტის მენიუ
კატალოგის კატეგორია
იუმორი [14]
სტატიები [12]
ძებნა
საიტის მეგობრები
Рок это наша жизнь
MCR
Сайт фанов группы The Offspring
Информационный портал о рок музыке

Металисты
მინი-ჩათი
200
ჩვენი გამოკითხვა
რომელ მიმდინარეობას უსმენთ უფრო ხშირად?

სულ პასუხი: 145
სტატისტიკა

სულ ონლაინში: 1
სტუმარი: 1
მომხმარებელი: 0
მთავარი » სტატიები » სტატიები

ინდუსტრიალი
ინდუსტრიალი როგორც მუსიკალური მიმდინარეობა წარმოიშვა 1974 წელს ინგლისში, ამ მიმდინარეობის ფუძემდებლად ითვლება ჯგუფი Throbbing Gristle რომელმაც ფაქტიურად საფუძველი ჩაუყარა მიმდინარეობას რომელსაც დღეს მომავლის მუსიკასაც კი უწოდებენ, ტერმინი Industrial წარმოიშვა Throbbing Gristle ის მიერ დაარსებული ხმისჩამწერი სტუდიის ამავე სახელწოდებისგან „Industrial Records“. 1974-1981 წლები ინდუსტრიალის კლასიკურ ხანად იწოდება, ამ პერიოდში მოღვაწეობდნენ სხვა მუსიკალური ჯგუფებიც როგორიცაა Einstuerzende Neubauten, SPK, Merzbow მაგრამ ისინი იმ პერიოდისთვის არ იყვნენ პოპულარულები რადგან ეს მიმდინარეობა იმდენად ავანგარდული და უჩვეულო იყო რომ ძნელი იყო მისი აღქმა დისკოზე ან კლასიკურ როკზე გაზრდილი თაობისათვის, 1981 წელს დაიშალა ჯგუფი Throbbing Gristle, დასრულდა ინდუსტრიალის კლასიკური ხანა და დაიწყო პოსტ ინდუსტრიალი.
ამ პერიოდში ინდუსტრიალი ძალიან მრავალფეროვანი გახდა, მიუხედავად იმისა რომ პოსტ ინდუსტრიალში ამ მუსიკამ დაკარგა იდეოლოგიური დატვირთვა მაინც გაჩნდნენ ჯგუფები რომლებიც ასე თუ ისე ახერხებდნენ აგრესიული და ზოგჯერ ანარქისტული ლირიკის შენარჩუნებას.
ინდუსტრიალი რჩებოდა ანდერგრაუნდ მუსიკად 90 იან წლებამდე, სწორედ ამ პერიოდში გამოჩნდა ორი ჯგუფი რომელმაც მთლიანად შეცვალა ინდუსტრიალის განვითარება და ფაქტიურად გაიტანა მასებში, ეს ჯგუფებია Ministry და Nine Inch Nails. ამ პერიოდიდან ინდუსტრიალი გახდა ქალაქის მუსიკა ურბანისტული რითმებით, ხშირად ჟღერადობის მისაღებად ჯგუფები სპეციალურად ქმნიდნენ სხვადასხვა ელექტრონულ ინსტრუმენტებს, რომლის მუსკიაში გამოყენებაც მანამდე წარმოუდგენელი იყო, მაგალითად დასავლურ გერმანული ჯგუფი Einsturzende Neubauten მუსიკის შესაქმნელად იყენებდა სამშენებლო და ელექტრო ინსტრუმენტებს მაგალითად, მტვერსასრუტებს, დრელს, ჩაქუცს, ტუმბოებს, ხრეშის და ქვიშის ხმას და ა.შ. ასევე ამ პერიოდში ინდუსტრიალ ჯგუფებში გავრცელდა თეატრალიზირებული საკონცერტო გამოსვლები, მუსიკაში შემოიჭრა სარიტუალო და სამხედრო რითმები, ასევე სამხედრო ამუნიცია დაწყებული თანამედროვე ჯარისკაცის დამთავრებული მესამე რაიხისა სა საბჭოთა ჯარისკაცის ტანისამოსით.
თუმცა ისეთმა ჯგუფებმა როგორიცაა Ministry, Skinny Puppy, Coil, KMFDM, Nine Inch Nails ამ მიმდინარეობას ადამიანური სახე მისცეს და ფაქტიურად მათ მოიტანეს ის დღემდე, დღეს კი ეს ჟანრი ძალიან მრავალფეროვანი და პოპულარულია.
ინდუსტრიალის სხვადასხვა განხრები:
EBM (Electronic Body Music)
ერთ-ერთი ყველაზე პოპულარული განხრა, მუსიკა ძირითადად იქმნება სემფლების გამოყენებით და მასში ნაკლებად გამოიყენება ცოცხალი ინსტრუმენტები. ტერმინი EBM ეკუთვნის ბელგიურ ჯგუფ Front 242.
Elektro (electro-industrial)
ეს სტილი ახლოსაა EBM თან თუმცა ის უფრო ატმოსფერული და ნაკლებად რითმულია. ასევე გამოიყენება ვოკალიც თუმცა ქლინი ნაკლებად.
Power Noise (Rhythm'n'Noise, Power Rhythmic Noise)
ჩქარი რითმული მუსიკა ძლიერი ჟღერადობით.
Aggro-industrial
ანუ აგრესიული ინდუსტრიალი, აქ გამოიყენება გიტარის რიფები და ბრუტალ ვოკალი.
Martial Industrial
მუსიკა გამოირჩევა საომარი ლირიკითა და მუსიკით, გამოიყენება ომის წლების მუსიკა და მარშირების რითმები, სტილის დამაარსებელი არის ჯგუფი Laibach, 80 წლების იუგოსლავიური ჯგუფი რომელიც გააძევეს საკუთარი ქვეყნიდან ანტისაბჭოთა ლირიკის გამო.
Dark Folk (Apocalyptic Folk)
დამაარსებელი ინგლისური ჯგუფი Current 9, დამახასიათებელია ფოლკლორული ინსტრუმენტების გამოყენება, ასევე ლირიკა ძირითადად რელიგიური, ოკულტური და ფოლკლორულია.
Dark Ambient
ეს სტილი ახლოს დგას Power-Electronics და Death Industrial თან, დღეს დღეობით ძალიან ბევრი Dark Ambient ჯგუფია, ასევე ეს მიმდინარეობა ხშირად გვხვდება დარქ და ბლექ მეტალთან სინთეზში. მუსიკა ძალიან ატმოსფერულია და მელანქოლიური, ყველანაირი იდეოლოგიური დატვირთვის გარეშე, ხშირად გამოიყენება ვოკალიც.
Drone Ambient
სტილის დამაარსებელია ჯგუფი Maeror Tr, 1993 წელს კი შეიქმნა ლეიბლი Drone Records სადაც ძირითადად დრონ და ნოის ჯგუფებს წერენ. სტილი იმდენად ექსპერიმენტალური და უცნაურია რომ ის ყველაზე ნაკლებად პოპულარული ინდუსტრიალ განხრაა, ასე მაგალითად Maeror Tr უჩვეულო ხმის მისაღებად ფირფიტაზე ჩაწერილ გიტარის რიფებს უკან ატრიალებდა და შემდეგ თავიდან იწერდა ასე მიღებულ ჟღერადობას.
Ritual Ambient (Ritual Industrial)
ჰიპნოტიკური მუსიკა სადაც ლირიკა ძირითადად ეხება სხვადასხვა მითიურ ღვთაებებსა და ღმერთებს ასევე გამოიყენება კელტური, სკანდინავიური, აღმოსავლური კულტურებისთვის დამახასიათებელი სარიტუალო მუსიკა.
Noise
ეს მუსიკა ალბათ არცაა, არანაირი რითმი და მელოდიურობა, სხვადასხვა ხმაურისა და ხმების ჩანაწერები რომელიც ძირითადად გამოიყენება ფილმებში.
Power-Electronics
უძველესი ინდუსტრიალ სტილი, რომელიც გამოირჩევა აგრესიული ჟღერადობითა და მელანქოლიურობით, ასევე ნოისისთვის დამახასიათებელი სხვადასხვა ხმაურითა და უცნაური ხმებით, გატეხილი ვოკალითა და პოლიტიკური თემებით.

Death Industrial
თანამედროვე ინდუსტრიალ მიმდინარეობა რომელიც გამოირჩევა სიმძიმითა და შედარებით ნელი ტემპით, ვოკალი ხშირად გროული ან ქრიფია, ხოლო თემატიკა პოლიტიკური ან რიტუალურ მისტიკურია.


დღეს კი ინდუსტრიალ მეტალი თანამედროვე მეტალის ერთ-ერთ განხრად ითვლება, მას ნაკლები საერთო აქვს პირველყოფილ ინდუსტრიალთან და ახლოსაა ექსტრემალურ მეტალთან ჩამოყალიბდა ისეთი მიმართულებები როგორიცაა industria/black metal, industrial/alt rock, industrial/groove და სხვა.

კატეგორია: სტატიები | დაამატა: Lash (17.05.2008) | ავტორი: Lash
ნანახია: 469 | რეიტინგი: 0.0/0 |
სულ კომენტარი: 0
კომენტარის დამატება შეუძლიათ მხოლოდ დარეგისტრირებულ მომხმარებლებს
[ რეგისტრაცია | შესვლა ]
Copyright MyCorp © 2017
Free web hosting - uCoz